Meniko Babagan Musyawaroh

Musyawaroh utawo rembugan inggih punika salah satunggalipun totocoro ingkang becik dipun gunaake nyelesaiaken masalah. Nagari kitho kyambak ingkang menganut faham demokrasi puniko ugi ngutamaaken rembugan punika. Amargi ruhipun demokrasi piyambak nggih meniko panci musyawaroh. Demokrasi tanpo musyawaroh puniko namung goroh ingkang mligi. Mbok bileh kito puron nelithi-nelithi dateng ajaranipun agami Islam, mongko kito saged angsal tinemu bileh Islam ugi agami ingkang ngurmati rembugan. Sak ryen, junjungan kito kanjeng Nabi Muhammad SAW punika tyang ingkang demokratis milai saking Piagam Medinah, nantoake dairoh ingkang ajeng dipun damel Mesjid Nabawi, hinggo puniko ceriosipun sengketa antaranipun kaum Qurais ingkang rebutan rikatan nyelehake Hajar Aswat. Kanjeng Nabi nyelesaiake sedanten puniko kanthi coro rembugan.

إِذَا اسْتَشَارَ أَحَدُكُمْ أَخَاهُ فَلْيُسر عَلَيْهِ (رواه ابن ماجه)

Nalikane njaluk musyawaroh (urun rembuk) sopo salah siji dulurmu, mongko becik gampangke sopo siro ing atase dulur siro. ((HR. Ibnu Majah)

Mongko saking punika, dumateng poro sederek ingkang minulyo, monggo kito ngutamaaken rembugan. Tyang ingkang anti deneng rembugan wonten perkoro nopo kemawon bakal ciloko ing sak lebetipun gesangipun. Kanti mboten enten rembugan mongko saben-saben tyang namung saged nyono-tinyono dumateng perkoro ingkang wonten, akhiripun saged nimbulaken poropadu, tukaran, lan sak panunggalipun. Gusti Allah kyambak dawuh "becik ngekero sira marang katah-katahing pinyono, amargi setengah saking ulihe pinyonomu punika ngandut duso" mundut meniko dawuh, mangka rembugan panci perkoro ingkang wigathi. Perkawis ingkang ndadeake kito ngeduhi prenco-prenconipun marang tyang sanes.

Tujuan ingkang utami saking rembugan puniko inggih meniko munfakat atawen sepemahaman. Pancasila ingkang dipun rumusake poro ulama' ugi ngelebetake musyawaroh dateng sila ingkang ongko sekawan. "Kerakyatan yang dipimpin oleh hikmat kebijaksanaan dalam permusyawaratan perwakilan". Pramilo rembugan puniko sampun dados adat ugi karakteripun ibu pertiwi Indonesia. Tugas kawulo soho panjenengan inggih punika kantun nguri-nguri budaya ingkang sae puniko kanti turun pinurun, syukur-syukur dipun tiru lestari lan langgeng dateng poro cucu kito hatta yaumul qiyamah.

Mboten wonten perkawis ingkang mbotem saged dipun musyawarohaken. Perkawis ekonomi, perkawis politik, bahkan dumugi perkawis agami ugi saged kito musyawarahaken. Nopo puniko perkawis ingkang mboten saged dipun musyawarahaken? Mongko perkawis ingkang ruwet koyoto perkawis roso asmara ugi saged dipun musyawarohaken. Salah setunggalipun cerios, MH Ainun Nadjib, priantun Jawa Timur ryen ugi musyawaroh kalian garwa pertamanipun semongso ajeng pegatan. Alhasil Cak Nun sak garwanipun tindak ten pengadilan sareng-sareng lan akhire pegatan kanthi tentrem damai sentosa. Sedanten amargi Cak Nun purun musyawaroh dumateng garwanipun.

Perkawis ingkang kedah dipun cepeng sakjronipun musyawarah inggih punika niat. Monggo niati musyawaroh kanti niat ingkang sae, niat kagem nemuake punopo meniko ingkang dipun westoni Solusi. Sanesipun perkawis ingkang kedah wonten ing sakjronipun musyawarah inggih punika roso kasih dumateng tyang sanes. Ampun kito musyawaroh kanti emosi, musyawaroh kanti geting gumeting. Musyawaroh kanti emosi puniko andadosake musyawarah kagem perdebatan sanes musyawaroh kagem sepemahaman.

Sifat sepemahaman, sifat munfakot saking musyawaroh puniko sifatipun mboten mengikat. Artosipun kito saged-saged kemawon mboten nandangi punopo ingkang sanpun dipun khasilaken saking musyawaroh selagine niku mboten ngerugiaken tyang sanes.

Monggo kitho sami musyawaroh. Amargi nopo ingkang kito anggep leres dereng tumentu ugi dipun anggep leres dumateng tyang sanes. Kanti musyawaroh kito saged nemuaken titik temu. Amergi manungso lahanipun luput. Senajan ugi menungso anggadahi kaleresan. Kaleresan ingkang mak klumpuk kanti musyawaroh mongko bade dados kaleresan ingkang katah, kaleresan ingkang Sya'iah, kaleresan ingkang Kaffah, kaleresan ingkang Syumul, ugi kaleresan ingkang barokah.

Mugi kito dipun paringi kesadaran dumateng pangeran kagem ngadepi sedanten perkawis ingkang teko anyar ing ndunyo kanti musyawaroh. Amin.